Емші ішімдікті қою үшін 3 жыл жуынбаған (ВИДЕО)

Фото: qaragandyhabary.kz Ресейлік Екатерина Краснова соңғы 3 жылда мүлде жуынбағанын және балаларын да жуындырмайтынын ашық мәлімдеді, деп хабарлайды Тodayinfo ақпараттық порталы. Оның айтуынша, жуыну карманы жояды, ал жағымсыз иіс қалыпты тағамнан пайда болады. Краснова тек шырындар мен жемістермен қоректеніп, өзін таза сезінетінін айтады. 40 жастағы Краснова бұрын 10 жыл бойы алкоголик болғанын, бірақ одан нормалды тамақтанудан, судан, жуынудан және жыныстық қатынастан бас тарту арқылы арылғанын мәлімдеген. Қазір ол Египетке көшіп, "емшілікпен" айналысып, туристерді "емдейді". Алайда, оның өмір салты мен гигиенаға қарсы насихаты қоғамда алаңдаушылық туғызды. "Сорок сороков" қозғалысының белсенділері оның балаларға қауіп төндіруі мүмкін деп есептеп, РФ Әкімшілік құқық бұзушылық туралы кодексінің 5.35-бабы («Кәмелетке толмағандарды тәрбиелеу және асырау міндеттерін орындамау») бойынша тексеру жүргізуді талап етті.