Қазақстан Ұлттық Олимпиада комитетінің басшысы Геннадий Головкин мәнерлеп сырғанаудан жасөспірімдер Олимпиадасының чемпионы Михаил Шайдоровты қарсы алу кезінде жанкүйерлерге тосын үндеу жасады, деп хабарлайды Todayinfo ақпарат агенттігі.
Астана әуежайына тарихи жеңіспен оралған спортшыны қарсы алуға жиналған жұрттың қарасы көп болды. Көпшілік чемпионды смартфондарына түсіріп, естелік кадр жасауға асықты.
Осы сәтте ҰОК президенті Геннадий Головкин микрофон алып, жиналған қауымнан спортшыға лайықты құрмет көрсетуді өтінді. Аты аңызға айналған боксшы жанкүйерлерден телефондарын қойып, чемпионды ду қол шапалақпен қарсы алуға шақырды.
"Барлығыңыздан телефондарыңызды қоя тұруды сұраймын. Одан да еліміздің мақтанышына айналған чемпионға қаттырақ қол соғып, шынайы қошемет көрсетейік!" – деді Головкин.
Михаил Шайдоровтың жеңісі – Қазақстанның қысқы спорт тарихындағы елеулі жетістік. Ол жасөспірімдер арасындағы Қысқы Олимпиада ойындарында алтын медаль алған тұңғыш қазақстандық мәнерлеп сырғанаушы болып тарихқа енді.
Фото: Әлеуметтік желіден
