Күдіктілер бостандықта жүр: Астанада бір топ адам мүгедектігі бар жігітті зорлап кетті (ВИДЕО)

Астаналық әйел бір топ адамның ІІ топтағы мүгедектігі бар баласын бірнеше рет зорлағанын айтып, шағым түсірді, деп хабарлайды todayinfo.kz Әйелдің айтуынша, жәбірленуші күдіктімен онлайн ойын кезінде танысқан. Жгіттің анасы “Письма президенту” Telegram арнасына істің төрт ай бұрын Нұра ауданының полициясына берілгенін айтты. Бірақ сараптама қорытындылары болғанына қарамастан, осы уақытқа дейін ешкім қамауға алынбаған. Анасы инсульт алған, ал ұлында эпилепсия басталған. Туыстары тергеудің әдейі созылып жатқанын айтады. Астана қалалық полиция департаментінің баспасөз қызметі бұл іс бойынша сотқа дейінгі тергеу жүргізіліп жатқанын хабарлады.

“Жыныстық сипаттағы зорлық әрекеттер фактісі бойынша сотқа дейінгі тергеу жүргізіліп жатыр. Тергеу аясында бірқатар сот сараптамалары тағайындалды, олардың қорытындысы бойынша процессуалдық шешім қабылданады. Барлық тергеу әрекеттері қылмыстық процеске қатысушылардың құқықтары мен заңды мүдделерін сақтай отырып жүзеге асырылады”, – деп мәлімдеді ведомство.