АҚШ-тағы ақтық сапар: америкадағы қазақтар Мұхтар Мағауинді Вашингтондағы зиратқа жерледі

Фото: Видеодан скрин АҚШ-та белгілі жазушы Мұхтар Мағауинді отандастары ақтық сапарға шығарып салды, деп хабарлайды Тodayinfo ақпараттық порталы. Қоштасу рәсімі жергілікті уақыт бойынша 11 қаңтарда сағат 9-да Мэриленд штатында өтті. Жаназасына жақындары мен Алматыдан келген туыстары қатысты. Сондай-ақ, АҚШ-тағы Қазақстан елшісі Ержан Ашықбаев, қазақ қауымдастығының өкілдері және сол жақта “Болашақпен” білім алып жатқан студенттер қатысты. Жазушы Вашингтон маңындағы Parklawn Memorial мұсылмандар зиратына жерленді.