Биылғы жылдың наурыз айында екінші деңгейлі банктер (ЕДБ) тұрғын үй құрылыс жинақтары жүйесі (ТҚЖЖ) бойынша жұмыс істеу құқығына ие болады. Бұл жүйе 20 жылдан астам уақыт бойы іс жүзінде тек бір ғана Отбасы банктің жеке құзіретін күйретпек, деп жазады Todayinfo порталы. Бұл
Биылғы жылдың наурыз айында екінші деңгейлі банктер (ЕДБ) тұрғын үй құрылыс жинақтары жүйесі (ТҚЖЖ) бойынша жұмыс істеу құқығына ие болады. Бұл жүйе 20 жылдан астам уақыт бойы іс жүзінде тек бір ғана Отбасы банктің жеке құзіретін күйретпек, деп жазады Todayinfo порталы.
Бұл оқиғаның ипотека нарығына қалай әсер етуі мүмкін екені туралы сарапшысы, қаржыгер және салық кеңесшісі Раушан Тасшоинова айтып берді.
«Бүгінде Отбасы банк – жүйелік маңызы бар ойыншы, оның 2 миллионнан астам салымшысы бар. Банктің ипотекалық портфелі 4 трлн теңгеден асады. Сондықтан ЕДБ-ға ТҚЖЖ жүйесіне қол жеткізу мүмкіндігін беру – жинақтаушы ипотека сегментіндегі бәсекені кеңейтуге бағытталған қадам деп қарастыруға болады».
Қаржыгердің айтуынша, ЕДБ өз өнімдерін іске қосқанда* жинақтаушы модельдің негізгі қағидаттарын қолданады деп болжануда. Олардың қатарында: жинақтау мерзімі – 3 жыл, жинақ пен несие арақатынасы – 50%, сондай-ақ салымшыны бағалау механизмі.
Алайда нақты параметрлер банктердің ішкі ережелері мен реттеуші органның нормативтік актілеріне байланысты болады.
«Сонымен қатар мемлекеттік сыйақы тек Отбасы банкте ғана сақталады. Бұл коммерциялық банктер 5% мөлшерлемемен емес, қызмет көрсету сапасымен, мақұлдау жылдамдығымен, цифрлық өнімдермен, мерзімінен бұрын өтеу икемділігімен және қосымша бонустар арқылы бәсекеге түсуі керек дегенді білдіреді.
Егер ЕДБ ұсынатын шарттар нарықтық деңгейге жақын болып, ал мемлекеттік сыйақы болмаған жағдайда экономикалық айырмашылық мардымсыз болса, бұл өнім тек тар сегментте қалуы мүмкін. Сонымен қатар банктер ұзақ мерзімді ресурс базасын қалыптастырып, жинақтау циклін сақтап, пайыздық тәуекелді басқаруы қажет болады. Кейбір ЕДБ үшін бұл өтімділікті басқару саясатын қосымша бейімдеуді талап етуі мүмкін», – деп қосты сарапшы.
Егер бір жыл ішінде жүйеге бірнеше ірі банк қосылса, Отбасы банктің нарықтағы үлесі біртіндеп азаюы мүмкін, бұл өз кезегінде бәсекені күшейтеді. Раушанның пікірінше, басты фактор – ЕДБ қолданыстағы жеңілдікті модельге экономикалық тұрғыдан салыстырмалы балама ұсына ала ма, жоқ па деген мәселе.
