Павлодарда медициналық орталық өртенді

Павлодар қаласында құтқарушылар медициналық орталықта болған өртті сөндірді.  ТЖМ баспасөз қызметінің мәліметінше, бүгін қаладағы 5 қабатты тұрғын үйде орналасқан медициналық орталықтардың бірінде жиһаз бен заттар жанған. Өрт сөндірушілердің күшімен ауданы 10 шаршы метр аумаққа тараған өрт толығымен сөндірілді. Зардап шеккендер жоқ. Өрттің себебі анықталып жатыр.