Перизат Қайраттың қайырымдылық қорын жабу туралы сотқа шағым түсті

Астананың Әділет департаменті су тасқынына бөлінген қаражатты жымқырды деген күдікке іліккен Перизат Қайраттың қайырымдылық қорын жабу туралы сотқа талап-арыз түсірді, деп хабарлайды Todayinfo ақпарат агенттігі. Әділет министрлігінің мәліметінше, 14 ақпанда елордалық сотқа Перизат Қайрат басқаратын «Biz Birgemiz Qazaqstan 2030» қоғамдық бірлестігін мәжбүрлеп жабу туралы шағым берілген.

«Сот талабын беруге Қаржылық мониторинг агенттігінің «Biz Birgemiz Qazaqstan 2030» қоғамдық бірлестігін тіркеуді жою рәсіміне бастамашылық жасау туралы хаты негіз болды. Себебі бірлестік құру кезінде жойылмайтын сипаттағы, яғни сот шешімі бойынша заңды тұлғаны таратуға негіз болатын заңнамалық бұзушылықтарға жол берілген», – деп мәлімдеді министрлік.

Сот кабинеті мәліметінше, сотталушыға 7 наурызға дейін (15 күн) дәлелдерімен қарсылық білдіруге уақыт берілген.