Петропавлда студенттер арасында болған жанжалда 17 жастағы жасөспірім жарақат алды

Петропавлда 17 жастағы жасөспірім жанжал барысында пышақ жарақатын алды, деп хабарлады СҚО полиция департаменті, деп хабарлайды Todayinfo.kz. Бүгін Петропавлдағы колледж жатақханасында студенттер спирттік ішімдік ішіп, арты жанжалға ұласқан. Соның салдарынан 17 жастағы жасөспірім қолынан пышақ жарақатын алған.

«Ұрыс-керіс құрдастар арасында шыққан. Олардың барлығы бірінші курс студенттері. Қазіргі уақытта Петропавл қаласы полиция басқармасы ювеналды полиция бөлімінің қызметкерлері істің мән-жайын анықтап жатыр. Болашақта осындай фактілер қайталанбас үшін барлық тиісті шара қолданылады. Қазіргі уақытта сот-медициналық сараптама жүргізіліп жатыр, оның қорытындысы бойынша процессуалдық шешім қабылданады», — делінген хабарламада.

Todayinfo.kz