Абай облысында прокурорлар терезе алдына қойған бөтелкелер үшін қатаң сөгіс алды

Абай облысы прокуратурасының қызметкерлері жұмыс орнындағы терезе алдында байқалған алкоголь бөтелкелеріне байланысты қатаң сөгіс алды, деп хабарлайды Todayinfo ақпарат агенттігі. Әлеуметтік желіде тараған сурет қоғамда үлкен талқы тудырып, артынша қызметтік тексеріс басталған. Прокуратураның ресми хабарлауынша, тексеріс нәтижесінде екі қызметкерге қатысты тәртіптік шара қолданылған. Сонымен қатар, жеке еңбек шартымен жұмыс істейтін маман мен оның тікелей басшысы да жауапкершілікке тартылып, сөгіс алғаны белгілі болды. Дегенмен, кінәлі деп танылған қызметкерлердің нақты лауазымдары жария етілмеді.

"Алайда жұмыс орнында алкогольдік ішімдік ішу фактісі расталмады", - деп хабарлады ведомство.

Фото: Әлеуметтік желіден