Қаза тапқан 1212 сарбаздың мәйіті Украинаға қайтарылды (видео)

Украинаға соғыстан қаза тапқан 1212 әскери қызметшінің денесі қайтарылды, деп хабарлайды Todayinfo. Оққа ұшқан украиналық әскерилердің көбі Ресейдің Курск облысынан берілді. Бұл туралы 11 маусым, сәрсенбіде Украинаның әскери тұтқындарды басқару жөніндегі үйлестіру штабы хабарлады. Олардың қатарына Украинаның Харьков, Луганск, Донецк, Запорожье және Херсон облыстарында, сондай-ақ Ресей Федерациясының Курск облысында қаза тапқан сарбаздардың мәйіттері бар. Мерт болған украин әскерилерінің жеке басы "қысқа мерзімде" анықталатыны атап өтілді.