«Қазақстан мұғалімі» ұлттық cыйлығына өтінім қабылдау басталды

«Қазақстан мұғалімі» ұлттық cыйлығына өтінімдерді қабылдау басталды, деп хабарлады Оқу-ағарту министрлігі. Байқауда мұғалімдердің академиялық қана емес, сонымен қатар әлеуметтік маңызды, қоғамдық қызметтегі ерекше жетістіктері бағаланады. «Қазақстан мұғалімі» ұлттық сыйлығы Оқу-ағарту министрлігінің қолдауымен ұйымдастырылып отыр. Ол – 1 миллион АҚШ доллары көлеміндегі жүлде қоры бар «Әлем мұғалімі» сыйлығының (Global Teacher Prize) ұлттық кезеңі.

"Мұғалім – қоғам үшін құрметті де қажетті мамандықтардың бірі. Әрбір мұғалімнің шығармашылық әлеуеті бар және әр мұғалім қолдау мен құрметке лайық. Сыйлық мұғалімдердің ерекше жетістіктерін мойындап қана қоймай, оларға өсу мен өзін-өзі жетілдіруге мүмкіндік береді", – делінген хабарламада.

«Қазақстан мұғалімі» ұлттық сыйлығы туралы толық мәліметті https://www.teachers-summit.org сілтемесі арқылы көруге болады.