Қазақстан-Ресей шекарасындағы өткізу пунктінде қозғалыс шектелуі мүмкін

ҰҚК Шекара қызметі Қазақстан-Ресей шекарасындағы «Сырым» өткізу пунктінде көлікті өткізу кезінде қиындықтар туындауы мүмкін екенін мәлімдеді, деп хабарлайды Todayinfo.  29 шілде мен 3 тамыз аралығында шектес аумақтағы «Маштаково» БӨП-інің инспекциялық-тексеру аймағында жол төсемін жөндеу жоспарланған. Басқа пункттер штаттық режимде жұмыс істейді. Ешқандай шектеулер енгізілген жоқ. Ведомство өкілдері аталған мән-жайларды ескеруді және қозғалыс бағдарын алдын ала жоспарлауды сұрайды.