2026 жылдан бастап Қазақстанда қоғамдық тәртіпті бұзғандарға салынатын айыппұлдар мөлшері айтарлықтай артты. Бұл өзгерістерге себеп — айлық есептік көрсеткіштің (АЕК) ұлғаюы.
АЕК-ке байланған айыппұлдар мен төлемдер жаңа мөлшерге сай қайта есептеліп, елдегі құқықбұзушылықтарға қатысты әкімшілік жауапкершіліктің қаржылық салмағы артты.
Бұл туралы Todayinfo.kz ақпарат агенттігі хабарлайды.
Боқтық айту мен қоқыс тастаудың айыппұлы қаншаға өсті?
2026 жылы АЕК 4 325 теңгеге дейін көтерілді (2025 жылы — 3 932 теңге). Осыған сай қоғамдық орындарда боқтық сөз айтуға салынатын айыппұл 86 500 теңгеге жетті (бұрын – 78 640 теңге, 20 АЕК).
Қалалық саябақтар мен қоғамдық жерлерді ластағандарға да жазалау қатайды:
- Алғашқы құқықбұзушылық үшін – 10 АЕК немесе 43 250 теңге;
- Қайталанса – 20 АЕК немесе 86 500 теңге.
Сондай-ақ, ішімдік ішіп немесе мас күйде қоғамдық жерде жүргендерге:
- Ең төменгі айыппұл – 21 625 теңге (5 АЕК);
- Қайталанған жағдайда – 43 250 теңге (10 АЕК).
Вандализм мен ұсақ бұзақылықтың жазасы қалай өзгерді?
Қасақана бұзақылық (вандализм) жасағандарға қатысты жазалар қатаңдатылды. Енді оған байланысты айыппұлдар:
- Ең төменгі — 100–200 АЕК (432 500 – 865 000 теңге);
- Ауырлататын жағдайда — 500–2 000 АЕК (2,1 млн – 8,6 млн теңге).
Егер вандализмді кәмелетке толмаған жасөспірім жасаса, ата-ана немесе қамқоршыға 15 АЕК — 64 875 теңге көлемінде айыппұл салынады.
Ал қоғамдық мекемелер, ғимараттар немесе көліктегі мүлікке зиян келтірсіңіз, бұл ұсақ бұзақылық саналып, 50 АЕК — 216 250 теңге айыппұл салады.
