Қазақстанда «бомж» бен зорлық-зомбылық құрбандарына арналған орталықтар ашылады

ФОТО: AFP/Scanpix Қазақстанда үй-күйсіз жүргендер, түрмеден шыққандар және зорлық-зомбылық құрбандарына арналған уақытша болу ұйымдары құрылады. Бұл туралы Еңбек және халықты әлеуметтік қорғау министрлігі жаңа бұйрық жариялады, деп хабарлайды todayinfo.kz Кімдерге арналған? Жаңа ұйымдар келесі санаттағы азаматтарға көмектесуге бағытталған: 🔹 Тұрақты мекенжайы жоқ тұлғалар 🔹 Түрмеден босап шыққандар, пробациядағылар 🔹 Адам саудасы мен тұрмыстық зорлық-зомбылық құрбандары Қайда және қалай ашылады? ✅ Халқы 100 мыңнан асатын қалаларда автоматты түрде құрылатын болады. ✅ 50 мыңнан асатын елді мекендерде жергілікті биліктің шешімімен ашылады. Министрліктің мәліметінше, бұйрық он күннен кейін күшіне енеді.