Семейде әкесі қайтыс болған спортшы баласының пәтерін әкімдіктен қайтарып алды

Фото: © istockphoto.com Абай облыстық соты XXIV жазғы Сурдлимпиада ойындарының қола жүлдегері болған спортшының әкесіне пәтер құқығын қайтару туралы шешім шығарды, деп хабарлайды Тodayinfo ақпараттық порталы. Сот ісінің мән-жайы 2022 жылы Семей қаласының тұрғыны Бразилияның Кашиас-ду-Сул қаласында өткен XXIV жазғы Сурдлимпиада ойындарында сурдодзюдо бойынша қола жүлдеге ие болған. Осы жетістігі үшін оған мемлекеттік тұрғын үй қорынан қызметтік пәтер берілген. Алайда спортшы 2023 жылы қайтыс болды. Оның әкесі мұрагерлік құқығын растайтын куәлік алғанына қарамастан, тұрғын үй қатынастары бөлімі жалдау шартын біржақты бұзып, пәтерді қайтарып алған. Марқұм спортшының әкесі сотқа жүгініп, пәтерге меншік құқығын беру туралы талап қойған. ҚР Ұлттық Сурдлимпиадалық комитеті бұл талапты қолдап, спортшының жетістігін еліміздегі Сурдлимпиадалық қозғалыс үшін маңызды оқиға деп атады. Соттың әділ шешімі Сот талапкердің шағымын қанағаттандырып, пәтер құқығын қайтару туралы шешім шығарды.