Шығыс Қазақстанда төрт адам жол апатынан қаза болды

Фото:freepik ШҚО полиция департаменті баспасөз қызметінің мәліметіне сүйенсек, жол-көлік оқиғасы 1 ақпан күні «Күршім-Қалжыр» тасжолында болған. Lada Granta және Hyundai Santa fe маркалы автокөліктер соқтығысты, деп хабарлайды Тodayinfo ақпараттық порталы. - Жол апаты салдарынан Lada Granta жүргізушісі мен үш жолаушысы оқиға орнында тіл тартпай кетті. Полиция аталған факті бойынша қылмыстық іс қозғады. Қазіргі уақытта сотқа дейінгі тергеу амалдары жүргізіліп жатыр. Соның нәтижелері бойынша процессуалдық шешім қабылданады, - делінген ақпаратта. Осы ретте, тәртіп сақшылары көлік жүргізушілерін қауіпсіздік ережелерін қатаң сақтап, алыс жолда барынша абай болу қажеттігін ескертті.