Шымбұлақта қар астында қалып көз жұмған ресейлік әйел кәсіби жаттықтырушы болған

Шымбұлақта шаңғышылар қар көшкінінің астында қалып, бір адам қайтыс болды. Көз жұмған 34 жастағы ресейлік әйел Олеся Головинаны құтқару мүмкін болмаған, ол қар астында 8 минутқа қалып қойған, деп хабарлайды Todayinfo. ТЖМ мәлімдегендей, қар көшкініне шаңғышылардың өздері себепкер болған, олар тыйым салынған аумақты кесіп өткен. Олеся Головина әскерилердің орталық спорт клубының комиссиясында 10 жылдан астам уақыт жұмыс істеген, шаңғыдан кәсіби жаттықтырушы болған. Мәскеуде тұрып, ересектер мен балаларды шаңғыға баулыған. Фото: Shymbulak Mountain Resort