Тараз қаласында көпқабатты үйдегі өрт сөндірілгеннен кейін көп күтпей тағы бір оқиға орын алды – бұл жолы танымал мейрамхананың қосалқы құрылысы отқа оранды. Жамбыл облысының ТЖД мәліметі бойынша, мейрамхананың жаздық алаңы жанып кеткен.
Өрт шыққан сәтте ішінде адамдар болған деген деректер де түскен. Құтқарушылар оқиға орнына жедел жетіп, шамамен 100 адамды қауіпсіз жерге көшірген.
Бұл туралы Todayinfo.kz ақпарат агенттігі хабарлайды.
Алдын алу шараларының арқасында жалын мейрамхананың негізгі ғимараты мен жанында орналасқан жанармай бекетіне таралмаған.
Жалпы өрт 300 шаршы метр аумақты қамтыған. Зардап шеккендер жоқ, өрттің шығу себебі тексеріліп жатыр.
Тараздағы өрт неге қауіпті болды?
Жанында АЗС орналасқандықтан, кез келген сәтте жағдай ушығуы мүмкін еді. Абырой болғанда, өрт сөндірушілер дер кезінде жетіп, үлкен апаттың алдын алды.
ТЖД дерегі бойынша, қосымша құрылыстардың жанғыш материалдардан жасалғаны оттың тез таралуына әсер еткен.
Мамандар алда-жалда мұндай жағдайлар қайталанбау үшін қауіпсіздік шараларын күшейтуді ұсынады.
