Түркістан облысында әкесін аямаған асаба 6 жылға бас бостандығынан айырылды

Түркістан облысына қарасты Жетісай ауданында қоғамды дүр сілкіндірген оқиға бойынша апелляциялық сот шешімі жарияланды. Өздігінен жүре алмайтын әкесін ұрып, сүйреген азаматтың жаза мерзімі 1 жылға ұзартылып, 6 жылға дейін көбейді, деп хабарлайды Todayinfo.kz ақпарат агенттігі. Түркістан облысы, Жетісай ауданында Алмас Садақбаевқа қатысты апелляциялық сот отырысы аяқталды. Дәрменсіз әкесін сүйреп жүріп ұрған қатігез ұлға жаза мерзімі ұзарды. Алғашқы сот сатысында оған 5 жылға бас бостандығынан айыру туралы үкім шыққан еді. Бірақ, 41 жастағы асаба оған келіспей, апелляцияға беретінін айтқан. Фемида өкілдері кеңесе келе, сотталушының жасаған қылмысы ауыр деп бағалапты. Сөйтіп, өздігінен жүре алмайтын қауқарсыз қарияны қорлағаны үшін тағы 2 жыл бас бостандағынан айыру жазасын қосқан. Осылайша, әкесін аямаған ер адам түпкілікті 6 жылға бас бостанғынынан айырылып, жаза мерзімі ұзарды.