Ұлттық қауіпсіздік комитеті Жамбыл облысы бойынша Медициналық және фармацевтикалық бақылау комитеті департаментінің басшысы Айгүл Балғабаеваға қатысты сотқа дейінгі тергеуді бастады, деп хабарлайды Todayinfo ақпарат агенттігі.
Ведомствоның баспасөз қызметі бұл ақпаратты растады, бірақ тергеу құпиясына байланысты істің мән-жайын толық ашпады.
"Сотқа дейінгі тергеу жүргізіліп жатыр. Қазақстанның Қылмыстық-процестік кодексінің 201-бабына («Сотқа дейінгі тергеп-тексеру деректерін жария етуге жол бермеу») сәйкес, басқа ақпаратты жария ете алмаймыз", – деп жауап берді ҰҚК баспасөз қызметі.
Айгүл Балғабаева бұл лауазымға 2024 жылдың 30 қыркүйегінде тағайындалған болатын. Оған дейін ол Денсаулық сақтау министрлігіне қарасты Медициналық және фармацевтикалық бақылау комитетінде дәрілік заттар мен медициналық бұйымдардың бағасына мониторинг жүргізу басқармасын басқарған.
Фото: Әлеуметтік желіден
