Жәнібек Әлімханұлы жеңіліп көрмеген французбен жұдырықтасады

Жәнібек Әлімханұлы 5 сәуір күні Астанада франциялық Анауэль Нгамиссенгемен (13-0, 8 КО) жұдырықтасады, деп хабарлайды Todayinfo. Бокс кеші туралы Жәнібектің менеджері Берік Сұлтан мәлімдеді. Qazaq Style «Барыс Аренада» өтетін жекпе-жекте WBO және IBF нұсқасы бойынша әлем чемпионы атағын қорғайды. Жәнібек ESPN нұсқасы бойынша рейтингте бірінші нөмірде тұрған боксшы. Нгамиссенге жетінші орынға орналасқан. Отандасымыз WBO чемпиондық атағын бесінші рет, IBF белбеуін екінші рет қорғайды. Анауэль Нгамиссенге Конгода дүниеге келген боксшы. Алғаш рет 12 раундтық жекпе-жекке шығады. Ал Жәнібек биыл күзге дейін үш бірдей чемпиондық атақтың басын біріктіргісі келеді. Фото: Top Rank