Жамбыл облысында "Томирис емшіні" шақырған мектеп директоры мен әкімнің орынбасары жұмысынан кетті

Жамбыл облысы Тұрара Рысқұлов ауданы, Тереңөзек ауылындағы “Томирис ханшайым” болып киінген емшіні шақырғаны үшін мектепте арнайы тексеріс жүргізілді.  Тексерісті Жамбыл облысының балалардың құқықтарын қорғау жөніндегі уәкілі мен Жамбыл облысы әкімдігінің білім сапасын қамтамасыз ету департаментінің қызметкерлері жүргізді. Білім, ақпарат және әлеуметтік даму басқармаларының қызметкерлеріің жұмыс тобы қосылды. Тексеріс қорытындысы бойынша Тұрар Рысқұлов ауданы әкімінің орынбасары А.Терлікбаев пен Жамбыл мектебінің директоры Е.Зәкімбаев өз өтініштері бойынша қызметінен босатылды. Аудандық ішкі саясат бөлімінің басшысы Тұрар Рысқұлов пен Тереңөзек кентінің әкіміне қатаң сөгіс түріндегі тәртіптік жаза қолданылды. Бұған дейін Жамбыл облысындағы ауыл тұрғындарының "Томирис ханшайым" болып киінген әйелді салтанатты түрде қарсы алған видеосы қазақстандықтардың наразылығын тудырғаны туралы жазған едік. Желідегі видеолардың бірінен басына тәж киген әйелдің көйлегінің етегін бірнеше оқушының ұстап жүргенін көруге болады. Ал екінші бір видеода мектепке кірген әйелдің аяғының астына тұрғындар раушан гүлдерін лақтырып жатқаны көрсетілген.