«Туристік аймақтардың дайындығы төмен»: Тоқаев Алакөлдегі жағдайды реттеуге тапсырма берді

Мемлекет басшысы Қасым-Жомарт Тоқаев халық тарапынан келіп түскен көптеген шағымдарға байланысты Алакөл көлінің маңындағы туристік аймақтың дайындығына Үкіметтің назарын аударды. Президенттің баспасөз хатшысы Руслан Желдібай бұл туралы ресми мәлімдеме жасады , деп хабарлайды Toda

«Мемлекет басшысы халықтан келіп түскен көптеген шағымға байланысты Алакөл маңындағы әйгілі туристік аймақтың демалушыларды қарсы алуға дайындығы төмен екеніне Үкіметтің назарын аударды. Атап айтқанда, қажетті туристік инфрақұрылым, қызмет көрсету мен қауіпсіздік лайықты деңгейде қамтамасыз етілмеген», - деді Руслан Желдібай.

Оның айтуынша, үкіметке қысқа мерзім ішінде елдегі барлық туристік бағыттың жағдайын ретке келтіріп, олқылық жіберген лауазымды тұлғаларды жауапкершілікке тартуды тапсырды.