Жетісу облысында шенеунік 500 мың теңге пара алды деп күдікке ілінді

Өңірдің Табиғи монополияларды реттеу департаментінің басшысы 500 мың теңге пара алды деген күдікке ілінген, деп хабарлайды Todayinfo.

«Жетісу облысы бойынша Сыбайлас жемқорлыққа қарсы қызметпен облыстық Табиғи монополияларды реттеу департаментінің басшысы әшкереленді. Шенеунік 2025 жылға арналған электр энергиясының тарифі мен тарифтік сметасын көтергені үшін «Талдықорған акционерлік көлік-электржелілік компаниясы» АҚ басшысынан 500 мың теңге көлемінде пара алды деп күдіктелуде,- делінген хабарламада.

Тергеу жалғасуда.