Журналист Мирболат Мырзатайұлына сот үкім оқыды

Белсенді, блогер Мирболат Мырзатайұлы 4 жылға сотталды, деп хабарлайды Todayinfo  Ulysmedia -ға сілтеме жасап. 13 қарашада Алматының Медеу аудандық №2 соты Мирболат Мырзатайұлын ҚР қылмыстық кодексінің 174-бабының 1-бөлігі бойынша кінәлі деп танып, 4 жылға бас бостандығынан айырды. 2-ші қыркүйекте Мирболат Мырзатайұлының туыстары оның жоғалып кеткенін айтып, әлеуметтік желіде дабыл қаққан. Кейіннен оны полиция ұстағаны белгілі болған. 54 жастағы Мейірболат Мырзатайұлы «Журналистік зерттеулер агенттігі» You Tube арнасының авторы. Бұған дейін ұзақ жыл мемлекеттік телеарналарда қызмет істеген. Қазір арнаның 64 мыңнан астам жазылушысы бар. Негізінен елдегі сот процестері, митинг, пикеттерден ақпарат таратады.