Жыл соңына дейін жаңа Бюджет кодексінің жобасы қабылданады

Осы жылдың соңына дейін жаңа Бюджет кодексінің жобасы қабылданады деп жоспарланып отыр. Бұл туралы Үкімет отырысында вице-премьер – Ұлттық экономика министрі Нұрлан Байбазаров айтты. Оның айтуынша, жаңа кодекс мемлекеттік шығындарды бақылау мен шектеудің қатаң шараларын қарастырады. Бюджет кірістерін ұлғайту мақсатында салықтық әкімшілендіруді, цифрландыруды жақсарту, көлеңкелі экономиканы азайту, салық базасын ұлғайту және тиімсіз жеңілдіктерді оңтайландыру жөнінде шаралар қабылданады.