«8 мың адам тексеріледі»: интернетте порнография көргендер бәлеге қалды

Түркістан облысының прокуратурасы Telegram желісін талдау барысында кәмелетке толмағандарға қатысты порнографиялық контент сататын ақылы арнаны анықтады,деп хабарлайды Todayinfo. Қылмыстық схема қалай жүзеге асқан? Тексеру нәтижесінде: Порнографиялық роликтер 2500 теңгеге сатылғаны, Арнаның 8012 жазылушысы болғаны, Жазылушылардың Қазақстан мен ТМД елдерінен екені анықталды. Қылмыстық топ қалай ұсталды? 14 наурызда Түркістан облысының прокуратурасы мен Ұйымдасқан қылмысқа қарсы күрес басқармасы бірлескен арнайы операция жүргізді. Түркістан және Қызылорда облыстарында арнаны ұйымдастырушылар ұсталды. Басты администратор – бұрын ауыр қылмыс жасаған адам қамауға алынды. Сотқа дейінгі тергеу басталды. Telegram-дағы 8 мың жазылушы тексеріледі Прокуратура порнографиялық арнаға жазылған 8012 қолданушыны тексеруді бастады. Егер олардың заңға қайшы әрекеттері анықталса, құқық қорғау органдарының есебіне алынады. Бұл жағдай интернеттегі заңсыз контентпен күрес шараларын күшейту қажеттігін көрсетеді.