Әнші Жігер Ауыпбаев ажырасу жайлы: «Бәрібір арамыз бұрынғыдай болмайды»

Танымал әнші Жігер Ауыпбаев өзінің сұхбатында отбасылық өмірі мен ажырасу тақырыбына тоқталды. Әншінің айтуынша, соңғы уақытта әлеуметтік желі қолданушылары тарапынан көп сын айтылып жүр,деп хабарлайды Todayinfo.

«Бәрібір арамыз бұрынғыдай болмайды. Маған желіде барлығы отбасымды тастап кеткенім туралы жазады. Бірақ балаларым үшін деп үйді де, басқасын да бердім. Қазір өзім пәтер жалдап жүрмін», – деді Жігер Ауыпбаев.

Әншінің бұл мәлімдемесі желі қолданушылары арасында түрлі пікір тудырды. Кейбірі оны қолдаса, енді бірі өткір сын айтты: «Үйін бергенін міндет қыла ма?» «Бес бала туғанда жақсы ғой» «Жақсы адам туған баласын тастамайды» «Үй беріп әкелік парызды орындай алмайсың» Осындай пікірлер әлеуметтік желілерде жиі айтылып, әншінің жеке өмірі қоғам назарында қалуда. Еске сала кетейік, бұған дейін Жігер Ауыпбаев қара нәсілді қызға үйленіп жатқандай көрініс жасаған пранк арқылы жұртшылықты таңғалдырған болатын. Бұл әрекеті де қоғамда әртүрлі қабылданған еді.