Алматыда полицейді пышақтап өлтірді

Алматыда жанжал салдарынан полиция көз жұмды, деп хабарлайды Тodayinfo ақпараттық порталы. Полиция қызметкері ауруханалардың бірінде пышақ жарақатынан қайтыс болды. Алматы ПД баспасөз қызметі аталған дерек бойынша қылмыстық іс қозғалғанын мәлімдеді. Қазір қызметтік тексеріс жүріп жатыр. Полиция қызметкері жанжал кезінде пышақ жарақатын алған. Аталған жағдай жұмыс уақытынан тыс кезде орын алған. Қазір күдікті ұсталып, уақытша ұстау изоляторына қамалған. Бұл ақпарат Михаил Козачковтың Telegram-арнасында тараған. Оқиға “Пинта” барында орын алған. 1993 жылы туған полицей екі пышақ жарақатымен ауруханаға жеткізілген.