Алматыдағы ұлттық университеттің ректор отыратын ғимаратынан секірген қыз артына хат қалдырып кеткен

Алматыдағы Әл-Фараби атындағы Қазақ ұлттық университетінің ректоратынан секіріп кеткен студенттің өліміне байланысты жаңа дерек шықты, деп хабарлайды Todayinfo. Алматы қалалық полиция департаменті баспасөз қызметінің хабарлауынша, 2-курс студенті өз-өзіне қол салардан бұрын хат қалдырып кеткен.

«Соңғы жазбасында мұндай қадамға баруына отбасылық жағдай себеп болғанын баяндаған»,- дейді тәртіп сақшылары. «Аталмыш дерек бойынша Бостандық аудандық ПБ ҚК 105-бабы бойынша қылмыстық іс қозғалып, болған оқиғаның толық мән-жайлары анықталуда. Алдын ала мәлімет бойынша 2-курс студенті әкімшілік ғимараттың 14 қабатынан секіріп түсіп, өкінішке қарай оқиға болған жерде жантәсілім етті», - деді қалалық ПД ресми өкілі Салтанат Әзірбек.

Фото: Farabi.university/Досжан Балабекұлы