KeшYou тобының экс-солисі Ақбота-Нұр Сейітмағамбет жақында тұрмысқа шығатынын меңзеді. Әнші Instagram желісінде сезімге толы жазба жариялады,деп хабарлайды Todayinfo ақпараттық агенттігі.
Отандық шоу-бизнес жұлдызы, KeшYou тобының бұрынғы мүшесі Ақбота-Нұр Сейітмағамбет өз парақшасында жақын арада тұрмысқа шығуы мүмкін екенін астарлап жеткізді. Қазіргі таңда шетелде жүрген әнші Instagram желісінде жаңа сурет жариялап, оқырмандарының назарын аударды.
Сурет сипаттамасында:
"Адамның ең шынайы сезімі – сөз айтпай-ақ, жаныңды жылытып жіберетін сәтте байқалады", – деп жазған.
Көп ұзамай осы жазбасын Stories бөлімінде де бөліскен.
Ақботаның бұл жазбасы әлеуметтік желі қолданушылары арасында қызығушылық пен түрлі пікірталастудырды. Көпшілік оны тұрмыс құруға дайындалып жатыр деп болжауда. Әзірге әншінің бұл тақырыпта ресми мәлімдеме жасамағаны белгілі.
