Астанада ер адам жабайы арыстанның күшігін асыраған (ВИДЕО)

Астанада көлік жөндеу станциясының (ТҚС) қосалқы бөлмесінен арыстанның күшігі табылды. Ұйымдасқан қылмысқа қарсы күрес басқармасының қызметкерлері жабайы жануардың заңсыз ұсталғанын анықтады,деп  хабарлайды Todayinfo. 27 жастағы астаналық азамат жас жыртқышты ТҚС-ның қосалқы бөлмесінде заңсыз ұстаған. Полицейлер жануарды тәркілеп, оны жақын арада зообаққа жіберу жоспарланып отырғанын мәлімдеді. Осы дерек бойынша "Сирек кездесетін және жойылып кету қаупі бар жануарлармен заңсыз айналысу" бабымен қылмыстық іс қозғалды. Қазіргі уақытта тергеу амалдары жүргізілуде.