Бас жүлде автокөлік: Абайдың 180 жылдығына орай Семей-Қарауылтөбе ультрамарафоны басталады

Семей қаласы әкімдігінің ұйымдастыруымен Ұлы Абайдың 180 жылдық мерейтойы аясында 7 тамыз күні, сағат 16:30-да Семей – Қарауыл төбе арасында 180 шақырымдық ультрамарафон өтеді, деп хабарлайды Todayinfo. Жарысқа республиканың өңірлерінен және шет елдерден 100-ден астам спортшы қатысады деп күтілуде. Марафон екі түрлі жас категориясында өтеді: 40-қа дейін және 40-тан кейін. Ультрамарафонның жүлде қоры – 12 000 000 теңге. Сонымен қатар, ақшалай жүлде 6 орыннан 10 орынға дейін 100 000 теңге көлемінде беріледі.

• АБСОЛЮТ ЖҮЛДЕ – JETOUR X50 АВТОКӨЛІГІ;
• 1 орын – 2 000 000 теңге;
• 2 орын – 1 500 000 теңге;
• 3 орын – 1 000 000 теңге;
• 4 орын – 500 000 теңге;
• 5 орын – 300 000 теңге;
• 6-10 орындар – 100 000 теңге.

Бұдан бөлек Семей қаласының әкімдігі әр 10 шақырым сайын жалпы саны 17 тамақтану пунктін дайындап, желаяқтардың мәреге жеткен соң қалпына келу үшін жағдайлар жасайды. Ультрамарафонға тіркелу телеграмда MYSTART чатында жүріп жатыр, ал қосымша ақпарат инстаграм желісінде elsport_kz парақшасында бар. Байланыс телефоны: Рамазан Саттарұлы ‪+7 701 390 69 94 «El Sport»  республикалық қоғамдық бірлестігінің төрағасы