Танымал продюсер, қоғам қайраткері Баян Алагөзова әлеуметтік желідегі парақшасында қыздарының тіл үйренудегі жетістігі туралы ой бөлісті. Оның айтуынша, Айсәуле мен Айару қазақ тілін жақсы меңгерген, ал олардың орыс тілінде еркін сөйлеуі бұл үдеріске кері әсер етпеген,деп хабарлайды Todayinfo.
«Қыздарым қазақ мектебінде білім алды. Себебі бала – анасынан үйренеді. Ал ана тілін үйрететін – мектеп. Сондықтан, мен үшін қазақ мектебі басты таңдау болды», – деді ол.
Алагөзова өз балалық шағы туралы айта отырып, 70-жылдары Оралда қазақтардың үлесі небәрі 20 пайыз болғанын атап өтті.
Бұған дейін Баян Алагөзова сахнада тек келбеті жарасқан адамдар болуы керек деген пікір білдірген еді. Бұл көзқарасы әлеуметтік желіде кеңінен талқыланды.«Мен мектепте ғана емес, тіпті бүкіл мектеп ішінде жалғыз қазақ болдым. Орал қаласы сол кезеңде орыстілді өңір болды», – деп еске алады продюсер.
«Бұл – менің жеке пікірім. Сахна – сұлулықты қажет етеді. Әрине, ешкімге бұл ойымды таңбаймын. Бірақ өзім сахнада әдемі адамдардың жүруі үшін қолдан келгеннің бәрін жасаймын», – деді ол.
Алайда желі қолданушыларының пікірі екіге бөлінді. Бірі оның бұл сөзімен келіспесе, енді бірі сұлулықтан бұрын талант пен харизмаға мән берілуі керек екенін айтты.
«Сахна талантты адамдарға арналған», «Тек әдемілікпен бәрі шешілмейді», «Сіздің қыздарыңыз өнерде қандай жетістікке жетті?» – деген пікірлер көптеп жазылды.
