«Бір боқтықтың құны - 393 мың теңге»: енді көшеде ауызша балағат айтқан адам қомақты айыппұл төлейді

Қазақстанда балалардың қоғамдық орындар мен әлеуметтік желілердегі дөрекі сөздері үшін жаза күшейтілді. Қылмыстық кодекстің 131-бабына сәйкес, көпшілік алдында ар-намысты қорлау, әсіресе әдепсіз түрде (ауызша немесе жазбаша) балағаттау жауапкершілікке әкелуі мүмкін. Ал егер жай ғана көшеде дөрекі сөздер айтылса, бұл — ұсақ бұзақылыққа жатады, деп хабарлайды Todayinfo. Ар-намысты қорлап, балағаттағаны үшін ересектер 100 АЕК (393 200 теңгеге дейін) айыппұл төлейді немесе 120 сағатқа дейін қоғамдық жұмыстарға тартылады. Қоғамдық орында бейәдеп сөз айтқаны үшін: 20 АЕК (78 640 теңге) айыппұл немесе 5-тен 15 тәулікке дейін әкімшілік қамау, қайталап жасалса 30 тәулікке дейін қамалады. Кәмелетке толмағандардың әрекеттері үшін ата-аналар немесе заңды өкілдер жауапты. Айыппұл мөлшері жасына байланысты:

• 14–16 жас: ата-аналар төлейді — 7 АЕК (27 524 теңге)16–18 жас: жасөспірім жеке жауапқа тартылуы мүмкін; жұмыс істемесе ата-анасы 10 АЕК (39 320 теңге) айыппұл төлейді12 жасқа дейін: толық жауапкершілік ата-аналарда; айыппұл — 10-нан 15 АЕК-ке дейін (39 320 – 58 980 теңге)

Әлеуметтік желілердегі балағат сөздер мен буллингке қатысты да қатаң жаза қарастырылған: айыппұл — 200 АЕК-ке дейін (786 400 теңге). Полиция әр жағдайды жеке қарастырады. Дәлел ретінде куәгерлердің сөзі, бейне және аудио жазбалар, сондай-ақ жазбаша балағат сөздерге қатысты лингвистикалық сараптамалар пайдаланылуы мүмкін Фото: Freepik