Түрмеден кейінде қарақшылығын тоқтатпаған: Астананы үрейде ұстаған криминалитеттер ұсталды (ВИДЕО)

Астана қалалық полиция департаментінің ұйымдасқан қылмысқа қарсы күрес басқармасы қаланы үрейде ұстаған криминалитеттер қолға түсірді, деп хабарлайды Todayinfo. https://youtu.be/WqP95XmtDGc Олар адамдарға зорлық-зомбылық көрсетіп, бір адамның 5 млн теңгесі мен Тоуота маркалы джип көлігін тартып алған.

«Тағы бірде олар банктердің бірінің іргелес аумағында тағы біреудің 6 млн теңгесін ашық түрде тонап кеткен. Қылмыстық топтың мүшелері түгелдей ұсталды. Олардың басқа да осыған ұқсас қылмыстық құқық бұзушылықтарға қатысты болуы мүмкін. Сотқа дейінгі тергеп-тексеру алдын ала сөз байласу арқылы адамдар тобы жасаған бопсалау және тонау фактілері бойынша жүріп жатыр», - деді ІІМ ұйымдасқан қылмысқа қарсы күрес департаментінің өкілі Қуандық Алпыс.