Блогер Әлия Әшім көпбалалы болу тұлғалық дамуға кедергі келтіреді деп мәлімдеді

Танымал блогер Әлия Әшім көпбалалы аналардың өміріне қатысты өз пікірін білдіріп, бұл жағдай әйелдің тұлға ретінде қалыптасуына тосқауыл болуы мүмкін екенін айтты,деп хабарлайды Todayinfo ақпараттық агенттігі.

«Менің анам 4 баланы дүниеге әкелді, ал 5-шісін босану кезінде сәбиімен бірге қайтыс болды. Ұл туады деген үмітпен 3 қызды қатар туды. Кішкентай кезімде анамның бойындағы өнер мен талантты байқап өстім, бірақ ол өзін толықтай аша алмады. Маған көпбалалы болу торда отырған құс секілді көрінетін. Сол үшін бала – тұлға ретінде дамуға кедергі келтіреді деп ойлайтынмын. Қазір де бұл ойымнан толықтай бас тарттым деп айта алмаймын. Егер көп баланы ойланып тумасаң, дәл солай болуы мүмкін», – деді блогер.

Бұл пікір қоғамда қызу талқыға түсті. Кейбір қолданушылар оның көзқарасымен келіссе, енді бірі аналық пен тұлғалық дамуды қатар алып жүруге болатынын алға тартты.