«Димашпен базарда ән айттым»: белгілі блогер қалай әнші болғанын айтты

Сабина Мовлаева НТК телеарнасының авторлық бағдарламаларының бірінде Димаш Құдайбергенмен бірге базарда ән айтқан сәттерін еске алды, деп хабарлайды Todayinfo.

«Мен негізінен блогер емеспін. Адамдар солай ойлайтын шығар. Мен мұның алдында FM деген топта болдым. Ал 10 жасымнан бастап ән айтамын. Димаш Құдайбергенмен бірге Ақтөбедегі филармонияда 8 жыл бірге жұмыс істедік. Екеуіміз, сосын Калифорния бар базар сияқты жерлерде ән айттық. Мен негізі әншімін. Мені көпшілік блогер ретінде қабылдап қалды. Сондықтан да мені әншілікке қалай келді екен деп түсінбей жатқандар бар.  Негізінен менің тембрім жақсы, диапазоным да үлкен. Мүмкін әлі толық ашыла алмай жүрген шығармын деп ойлаймын. Әншілікті қазір қолға ала бастағанымның себебі, 35-40 жасымда бастасам біртүрлі болатын сияқты көрінді. Сол себепті 27 жасымда кірісіп кеттім», - деді блогер Сабина Мовлаева.