Ерұлан Жамаубаев жаңа қызметке тағайындалды

Фото: primeminister.kz Ерұлан Жамаубаев Ұлттық банк төрағасының орынбасары болмақ, деп хабарлайды Тodayinfo ақпараттық порталы. Мемлекет басшысының өкімімен Ерұлан Кенжебекұлы Жамаубаев Қазақстан Республикасының Ұлттық Банкі Төрағасының бірінші орынбасары болып тағайындалды, ол бұрынғы атқарған лауазымынан босатылды. Осыған дейін Ерұлан Жамаубаев президент Қасым-Жомарт Тоқаевтың кеңесшісі болған еді. Ақордада бірқатар тағайындаулар өтті. Мемлекет басшысының өкімімен Ербол Дәненұлы Адаев Қазақстан Республикасы Президенті Әкімшілігінің Жалпы бөлімінің меңгерушісі лауазымына тағайындалды. Мемлекет басшысының өкімімен Дәурен Тілекұлы Ерғарин Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі лауазымына тағайындалды.