Еврей мектептері жабылды: Данияда Израиль елшілігінің маңында екі жарылыс болды

Копенгагенде Израиль елшілігінде екі жарылыс болды. Копенгаген полициясы оқиғаға қатысы бар деген күдікпен үш ер адамды ұстады. Euronews.com мәліметінше, Копенгаген полициясының хабарлауынша, сәрсенбі таңертең Израиль елшілігінде екі жарылыс болып, еврей мектебі бір күнге жабылды. Полиция ешкімнің зардап шекпегенін айтты. Таңғы 3:20-да болған жарылыстар мен Израиль дипломатиялық миссиясы арасында байланыс бар-жоғын анықтау үшін тергеу жүріп жатыр. Бұл аймақта басқа да бірнеше елшіліктер бар. Қоршауға алынған аумақты қарулы полицейлер, іздестіру иттері мен криминалистикалық топтар тінтіп шықты. Жарылыстарға қатысы бар деген күдікпен үш адам ұсталды.

"Копенгаген орталық вокзалында пойызда екі ер адам қамауға алынды. Сонымен қатар Копенгагеннің басқа ауданында бір адамды тұтқындадық", – деп хабарлады Дания полициясы.

Израиль сыртқы істер министрлігі жарылыстардан ешкімнің зардап шекпегенін және ғимаратқа зақым келмегенін хабарлады. Копенгагендегі Каролинесколен еврей мектебі Израиль елшілігінің жанында орналасқан және еврейлердің жаңа жылдық мерекелері үшін бейсенбі және жұма күндері жабылмақ еді. Еврей қауымдастығының жетекшілері енді Копенгагеннің басты синагогасының айналасында қосымша қауіпсіздік шаралары орнатылатынын айтты. Сейсенбі кешке қатты жарылыстан кейін Стокгольмдегі Израиль елшілігі де жабылды.