Канада АҚШ-тың 51-штатына айналса тиімді болар еді -Дональд Трамп

Фото: Reuters АҚШ президенті Дональд Трамп Канадаға АҚШ-тың 51-штаты ретінде қосылу экономикалық тұрғыдан тиімді екенін мәлімдеді. Бұл туралы ол Fox News арнасына берген сұхбатында айтты, деп хабарлайды Тodayinfo ақпараттық порталы.

«Канада үшін 51-штат болған әлдеқайда пайдалы болар еді. Біз жыл сайын Канадамен сауда қарым-қатынасынан 200 миллиард доллар жоғалтамыз. Бұл жағдайдың жалғасуына жол бере алмаймын. Бұл – тым үлкен сома. Егер олар 51-штат болса, мен қарсы болмаймын», – деді Трамп.

Ұлттық қауіпсіздікке қатысты пікірлер Трамптың ұлттық қауіпсіздік жөніндегі кеңесшісі Майк Уолтц мәлімдеме жасап, Канадаға әскери шабуыл жоспары жоқ екенін айтты. Сонымен бірге, Трамптың пікірінше, Канаданың көп тұрғыны АҚШ құрамына қосылуға оң көзқарас танытады. Оның айтуынша, бұл қадам елге экономикалық тұрақтылық пен сыртқы қауіптерден қорғау мүмкіндігін береді. Ол қауіптер Ресей мен Қытайдан болуы мүмкін екенін де атап өтті. Канаданың премьер-министрі Джастин Трюдо бұл ұсынысқа нақты жауап қайтарып, Канада ешқашан АҚШ-тың 51-штаты болмайтынын мәлімдеді.