Журналист Динара Сәтжан тұрмысқа шыққаннан кейінгі өмірі туралы айтты, деп хабарлайды Todayinfo. Айтуынша, ол тәртіппен өмір сүруге әбден бейімделген. Оның жеке кестесі бірнеше ай бұрын жасалып, командасы түсірілімдер, кездесулер, мастер-класстар мен монтаж жұмыстарын реттеп қояд
Журналист Динара Сәтжан тұрмысқа шыққаннан кейінгі өмірі туралы айтты, деп хабарлайды
Todayinfo.
Айтуынша, ол тәртіппен өмір сүруге әбден бейімделген. Оның жеке кестесі бірнеше ай бұрын жасалып, командасы түсірілімдер, кездесулер, мастер-класстар мен монтаж жұмыстарын реттеп қояды.
“Менің міндетім тек осының бәрін орындау ғана”, – деп атап өтті журналист.
Ол күн сайынғы кестесін өзі қарамайтынын, бұл іспен жеке көмекшісі айналысатынын айтты. Ассистенті оған жоспарды алдын ала жіберіп отырады.
“Мен тек өз энергиямды дұрыс бөлуге тырысамын”, – деді Динара Сатжан.
Сонымен қатар, тұрмыс құрғаннан кейін оның күн тәртібінде бірқатар жеке өзгерістер де орын алған. Енді ол үйге кешкі сағат 19:00-ге дейін қайтуға тырысады. Апталық жоспарына тұрақты түрде аптасына екі рет спортпен шұғылдану, аптасына бір рет қазақ тілі сабағына қатысу және ата-анасына барып тұру енгізілген.
