Маңғыстауда мектеп оқушысы сыныптасының иығын сындырды

Фото: istockphoto.com Маңғыстау облысы, Жаңаөзен қаласындағы мектептердің бірінде оқушы сыныптасының иығын сындырғаны үшін анасы сотқа тартылды, деп хабарлайды Todayinfo порталы Lada.kz сайтына сілтеме жасап. Іс материалдарына сәйкес, жасөспірім қыз сыныптасына артынан келіп, жерге құлатып, иығын сындырған. Бұл әрекет қасақана жасалған деп бағаланды. Сот отырысында кәмелетке толмаған баланың анасы ұлының кінәсін мойындап, сол күні қар жауып тұрғанын және оқиғаның балалар ойнап жүргенде болғанын айтты. Ол қыздың ата-анасынан кешірім сұрап, оның емделуіне қаржылай көмек көрсеткенін, сондай-ақ көп балалы ана екенін айтып, ең төменгі жазаны беруді сұрады. Тергеу нәтижесінде, кәмелетке толмаған баланың анасы Қазақстан Республикасы Әкімшілік құқық бұзушылық туралы кодексінің 127-бабының 3-бөлігі бойынша кінәлі деп танылып, оған әкімшілік айыппұл салынды. Сот қаулысы заңды күшіне енді.