«Орыстар ақылдырақ»: Марғұлан Тұрсыновтың ісі тергеу басқармасына тапсырылды

ZTB паблигінің иесі Марғұлан Тұрсынов есімді азаматқа қатысты Бас Прокуратураға берілген өтінім Алматы Полиция департаментінің Тергеу басқармасына тапсырылды. Осы басқарма процессуалдық шешім қабылдайтын болады. Бұл туралы қаржыгер Айбар Олжай жазды,деп хабарлайды Todayinfo. Ол 2026 жылға қарай әлеуметтік желілерде моральдік және этикалық тәртіп орнап, барлық азаматтар мен ұлттар бір-біріне сыйластықпен қарайды деген үміт бар. Е-Өтініш бүкіл интернетке тәртіп орната алатын керемет дүниеге айналды дейді.

«2021 жылғы 29 маусымдағы ҚР Әкімшілік рәсімдік-процестік кодексінің 65-бабының 1-бөлігіне сәйкес, Сіздің 01.07.2025 жылғы № ЖТ-О-293 өтінішіңіз ақпараттарды есепке алу кітабына №257500030007850 нөмірімен тіркеліп, Алматы қаласы Полиция департаментінің Тергеу басқармасына қарау және процессуалдық шешім қабылдау үшін жолданғанын хабарлаймыз», - делінген хабарламада.

ZTB медиасының негізін қалаған Марғұлан Тұрсынов соңғы уақытта елде орыстарға қатысты ұлтшылдық күшейіп жатқанын айтып, оларға деген ерекше ықыласын білдірді. Осы үшін оның басы дауға қалған еді.