Перизат Қайрат ісінде эмоциялық сәт: жәбірленуші онлайн сотта «Капец» деп ашуын білдірді (ВИДЕО)

Перизат Қайрат ісі бойынша өтіп жатқан сот процесінде кезекті эмоциялық жағдай орын алды. Жәбірленуші ретінде қатысқан Жанерке Сатқынбекова, Назарбаев Зияткерлік мектебінің педагог-ұйымдастырушысы және кураторы, онлайн байланыс арқылы жауап берген кезде ашуын жасыра алмады, деп хабарлайды Todayinfo. Ол жұмыс істейтін мектеп Перизат Қайраттың қайырымдылық қорына 2,9 млн теңге аударғанын, ал өзі жеке 10 мың теңге көлемінде көмек көрсеткенін айтты. Прокурор сұрақтарынан кейін айыпталушы Перизат Қайрат жәбірленушіге бірнеше нақтылау сұрағын қойып, сол сәтте Сатқынбекованың ашу-ызаға толы реакциясы байқалды. Ол:

«Біз қарапайым халықпыз, қолдан келгенше көмектестік. Сот осы адамдарды түсінсін, жәрмеңке өткізіп, шын көңілмен ақша аударған жандардың үмітін ақтасын», – деп жауап берді.

Сұрау аяқталған соң, судья Жанеркеге алғыс білдіріп, байланыстан шығуға рұқсат берген. Алайда ол шығып үлгермей тұрып, камера алдында ашулы күйде «Капец!» деп айтып қалды. Бұл сәт сот процесі жазылып жатқан бейнекадрға түсіп, артынша әлеуметтік желіде кеңінен таралды.   <script async src="https://telegram.org/js/telegram-widget.js?22"></script>