Әнші Қайрат Нұртастың қызы Алау Нұртас әлеуметтік желідегі тікелей эфир барысында оқырмандар сауалдарына жауап берді. Эфир кезінде қойылған сұрақтардың бірі оның жеке тұлғалық қабылдауы туралы болды, деп хабарлайды Todayinfo.
Оқырман: «Сізге жеке тұлға ретінде емес, Қайрат Нұртастың қызы ретінде қарау ауыр тимей ме?» – деп сұрады.
Бұл сұраққа жауап берген Алау: «Әрине, көңіліме қатты тиеді. Өйткені мен туғанда маған “Қайрат Нұртастың қызы” деген ат берген жоқ. Маған Алау деген есім берілді. Менің атым — Алау. Егер біреу: “Сен Қайрат Нұртастың қызысың ғой, суретке түсейік” десе, мен келіспеймін», – деп ашық айтты.
H2: Желі қолданушылары Алау Нұртасқа қатысты түрлі пікір айтты
Алау Нұртастың бұл сөзі әлеуметтік желі қолданушылары арасында қызу талқыланып, пікірлер екіге бөлінді. Кейбіреулер оны сынға алса, енді біреулер қолдау білдірді:
- «Тәлпіштенбеші»,
- «Сен Қайраттың қызы болмасаң, ешкім сені танымас еді»,
- «Тек әкең арқылы ғана танылдың»,
- «Мақтанба, керісінше қуану керек»,
- «Дұрыс айтып отыр, әркім өзінше тұлға» – деген сынды пікірлер жазылды.
