Қарин, Балаева және Досаев: Өзбекстан президентінің қызы Алматыда не істеп жүр

Алматыдағы Абай атындағы Қазақ ұлттық опера және балет театрында алғаш рет өзбек қойылымы – «Лазги — Жан мен Махаббат биі» балетінің премьерасы өтті. Бұл туралы Өзбекстан президентінің көмекшісі Саида Мирзиёева әлеуметтік желідегі жазбасында хабарлады,деп хабарлайды Todayinfo.

«Бұған дейін Қазақстанға сапарымыз барысында осы балетті бауырлас елде көрсетуге ниет білдірген едік. Енді міне, ол арманымыз орындалды. Мұндай мәдени шаралар өнеріміздің сұлулығын ғана емес, халықтар арасындағы достықты да тереңдете түседі», – деді Мирзиёева.

Бұл мәдени шара Қазақстан мен Өзбекстан арасындағы бауырластық байланысты нығайтуға ықпал етіп, Орталық Азия елдері арасындағы мәдени, экономикалық және саяси ынтымақтастықты кеңейтуге бағытталған. Саида Мирзиёева аймақтың бірлігі мен келісімі оның дамуына шешуші рөл атқаратынын атап өтті. Қойылым премьерасына мемлекеттік хатшы Ерлан Қарин, Мәдениет және ақпарат министрі Аида балаева және Алматы әкімі Ерболат Досаев қатысқан.