Қазақ жігіті АҚШ-та өртеніп кете жаздаған адамды құтқарды

Қазақстандық актер Санұржан Сүлеймен АҚШ-та, Лос-Анджелес маңында болған жол апаты кезінде адам өмірін сақтап қалып, үлкен ерлік көрсетті. Көлік жардан құлап, бірден отқа оранған. Актер жалынның ортасында қалған жүргізушіні құтқарып қалды,деп хабарлайды Todayinfo ақпараттық агенттігі.

Оқиғаға актриса Айдана Сахари куә болған

Оқиғаны көзімен көрген актриса Айдана Сахаридің айтуынша, көлік жүргізушісі ауыр жағдайда көлік ішінде қалып қойған. Санұржан еш ойланбастан, отқа оранған көлікке жүгіріп барып, адамды сыртқа алып шыққан. Оның бұл әрекеті көптеген адамдардың таңданысы мен ризашылығына ие болды.

Ерлік пен адамгершіліктің үлгісі

Санұржан Сүлейменнің батыл әрекеті әлеуметтік желіде кеңінен таралып, жұртшылық оны нағыз батыр ретінде бағалауда. Біраз уақыттан кейін оқиға орнына құтқару қызметтері жетіп, зардап шеккен азаматқа медициналық көмек көрсетілді.