Қазақстандық оқушы Азия-Тынық мұхиты лингвистикалық олимпиадасында абсолютті жеңімпаз атанды

Маңғыстау облысының оқушысы Рамазан Бутантаев Азия-Тынық мұхиты лингвистикалық олимпиадасында (APLO-2025) жоғары нәтижеге қол жеткізіп, аймақтың ең үздік лингвисі атанды. Бұл жайында Todayinfo.kz хабарлайды. Биылғы APLO-2025 олимпиадасы Азия мен Тынық мұхиты аймағындағы Қытай, Австралия, Жапония, Корея, Сингапур, Таиланд сынды елдерден 500-ге жуық дарынды оқушыны біріктірген халықаралық білім бәйгесі ретінде өткізілді. Олимпиада нәтижесі бойынша Маңғыстау облысындағы мамандандырылған IT-лицейдің 10-сынып оқушысы Рамазан Бутантаев барлық қатысушылардан үздік нәтиже көрсетіп, алтын медаль жеңіп алды. Бұл жетістік оны Азия-Тынық мұхиты аймағының абсолютті чемпионы мәртебесіне жеткізді. Қазақстан құрамасының тарихи жетістігі: 5 медаль және 3 Құрмет грамотасы 2025 жылғы APLO олимпиадасында Қазақстан құрамасы өз тарихындағы ең жоғары нәтижеге қол жеткізді. Жалпы есепте еліміздің дарынды оқушылары 5 медаль мен 3 Құрмет грамотасын иеленді: Рамазан Бутантаев — 10-сынып, мамандандырылған IT-лицей, Маңғыстау облысы

• Самир Сарбасов — 12-сынып, НЗМ, Астана қаласы
• Тимур Кантаев — 11-сынып, «Арыстан» мамандандырылған мектебі, Алматы қаласы
• Зере Серікова — 11-сынып, №9 «Зерде» мектебі, Астана қаласы
• Темірлан Сейтбаттал — 11-сынып, БИЛ, Ақмола облысы

Құрмет грамотасымен марапатталғандар: ✅ Ислам Сипатталов — 10-сынып, БИЛ, Ақтөбе қаласы ✅ Шыңғыс Қарасаев — 11-сынып, НЗМ, Орал қаласы ✅ Арон Хасанов — 11-сынып, БИЛ, Атырау қаласы Олимпиадаға қатысушыларды дайындаған маман Қазақстан құрамасының лингвистика бойынша жаттықтырушысы — Аида Давлетова, ол — халықаралық және республикалық олимпиадалардың жеңімпазы, қазіргі уақытта Германиядағы Тюбинген университетінің 2-курс студенті. APLO — жас лингвистерге арналған халықаралық алаң Asia Pacific Linguistics Olympiad (APLO) — жоғары сынып оқушыларына арналған халықаралық деңгейдегі зияткерлік жарыс. Олимпиада логикалық ойлау қабілеті, тілдік түйсік пен мәдениетаралық құзыреттілікті дамытуға бағытталған. Сонымен қатар, бұл жарыс Халықаралық лингвистикалық олимпиадаға (IOL) қатысуға жол ашады.