«Қонаевта оқушыны өлімші етіп сабаған»: оқушының анасы мәлімдеме жасады (ВИДЕО)

Журналист Гүлмира Әбіқайдың фейсбук парақшасында кәмелеттік жасқа толмаған баланы жолдастары өлімші етіп сабағаны туралы ақпарат тарады, деп хабарлайды Тodayinfo ақпараттық порталы. Бұған дейін Полиция басқармасы мәлім еткендей, өзін-өзі өлтіруге дейін жеткізу дерегі бойынша қылмыстық іс қозғалды. Қазіргі уақытта болған оқиғаның барлық мән-жайларын толық және жан-жақты зерттеу үшін барлық қажетті тергеу әрекеттері жүргізілуде. Аталған жұмыстардың нәтижесі бойынша түпкілікті процестік шешім қабылданатын болады. Өзге ақпарат тергеу мүддесіне орай жария етілмейді. Сондай-ақ білім бөлімі орта мектеп-гимназиясындағы тәртіптік жағдайға қатысты комиссия құрды. Оқушы «Антисептикпен улану» диагнозымен ауруханаға түскен. Қазіргі таңда жағдайы жақсы, ем қабылдауда. Оқушының анасы төбелес болғанын жоққа шығарып, бейнежазба түсірді.

«Осы жылдың 31 қаңтарында кәмелетке толмаған ұлым жергілікті ауруханаға түсті. Қаланың кіреберіс көпірінің астында ұлымды ешкім соққыға шыққан жоқ және ешқандай топтық төбелес болған жоқ», - делінген бейнежазбада.

Журналистерден және Қазақстан халқынан ресми ақпарат көздеріне ғана сенулеріңізді сұраймыз. Жалған ақпарат тарату үшін ҚР Заңнамасы аясында әкімшілік жаза қарастырылғанын естеріңізге саламыз. Айта кетейік, Қонаевта бұған дейін көпірдің астында төбелес болғаны туралы дерек тіркелмеген. Өзіне-өзі қол жұмсамақ болған бала оқуда озат, ортасында сыйлы оқушы.